Иако засега направи пауза од пејачката кариера, Анастасија покажа дека музиката и понатаму е дел од нејзиното секојдневие.
Анастасија Ражнатовиќ , во јавноста позната како ќерка на музичката ѕвезда Цеца Ражнатовиќ, неодамна го привлече вниманието на јавноста кога објави видео на својот Инстаграм профил. Иако моментално е фокусирана на животот во Севиља со својот избраник, фудбалерот Немања Гудеља, оваа млада пејачка покажа дека музиката сè уште има посебно место во нејзиното срце.
Имено, во својата објава на споменатата социјална мрежа, Анастасија се сними како го пее познатиот хит „Дај ѝ ги моите фустани“ оригинално отпеан од Нена Ѓуровиќ. Овој неочекуван музички момент воодушеви многумина, а фановите беа особено среќни што имаа можност да го слушнат гласот на Анастасија по нејзиното привремено повлекување од јавниот живот.
