Српската пејачка Ана Николиќ платила дури 30.000 евра за својот најголем хит „Ромале ромали“.
Ана во 2006 година со оваа песна се претстави на „Беовизија“, а иако важеше за фаворит таа година, не победи.
Николиќ за оваа песна платила 30.000 евра и дефинитивно е еден од нејзините најголеми хитови.
Зоран Кики Лесандриќ своевремено зборувал за соработката со Ана Николиќ и тогаш признал дека таа многу го налутила, па затоа одлучил „Ромале ромали“ страшно многу да ѝ ја наплати.
– Бев безобразен и таа безобразност е наплатена, а од друга страна требаше да го правам целиот албум, па Мили се врати, се налутив и ја наплатив цената што беше оправдана – изјавил Кики за „Блиц“, а на прашањето дали навистина песната вредела 30.000 евра, тој одговорил:
– Во тоа време беше многу скапо да се продуцира, скапа беше и Марина, како и Љиља Јорговановиќ, песната секако ја оправда цената и нејзе ѝ донесе пари.
Инаку, покојната Марина Туцаковиќ исто така заработила огромен износ на пари на еден стих. Како што во една прилика раскажала Неда Украден, Туцаковиќ заработила 100.000 евра благодарение на стихот „Суза је из ока канула“.
– Песната ми ја напиша покојниот Ѓорѓе Новковиќ и ние двајца неколкупати се скаравме околу самиот наслов на песната. Прво ја нарековме „Јоване, зора је“, потоа „Милане, зора је“. Последната и последна верзија е „Зора је“. На крајот ѝ се јавив на Марина Туцаковиќ, која напиша само еден стих, а тоа е: „Суза је из ока канула“. Тој стих ѝ донесе повеќе од 100.000 евра – изјави еднаш Неда во емисијата „Гламур“.
