За прв пат, од почетокот на војната во Украина, Сергеј Лавров, министер за надворешни работи на Руската Федерација и десна рака на Владимир Путин, зборуваше на италијанска и европска телевизија. Интервјуто синоќа го водеше Џузепе Бриндизи, уредник на „Зона Бјанка“, која се емитува на Рете 4 секоја недела.
Темите кои се обработуваа беа многубројни: од владата на Зеленски до италијанското новинарство, од загрижувачките хипотези за продолжување на конфликтот на глобално ниво, поминувајќи низ темата заљ баталјонот Азов, до рускиот гас и неговото плаќање во рубљи.
Лавров претстави сосема спротивно сценарио од она што го кажуваат до сега италијанските медиуми. Министерот, всушност, постојано ја нагласуваше нелегитимноста на владата на Зеленски, дури и го нарече нејзиниот подем „крвав пуч“, „поддршка на неонацистите обучени од САД“, трансформирајќи ја Украина во „инструмент на Соединетите Држави и нацистите“.
Понатаму, украинскиот претседател, според Лавтов, претставува прва пречка за постигнување конкретен мир. Министерот објаснува, всушност, како самиот Зеленски го саботирал договорот од Минск, кој се откажал од „историјата, културата и јазикот на Русија, а исто така ја откажал својата настава во училиштата“.
Новинарот Бриндизи прашува: „како може Зеленски, претседател со еврејско потекло, да биде нацист?“, а Лавров одговара: „Ми се чини дека и Хитлер имал еврејско потекло. Најголемите антисемитисти се токму Евреите “.
“Zelensky ebreo? Lo era anche Hitler”
A #ZonaBianca Sergej #Lavrov, il ministro degli Esteri russo, sull’influenza nazista sul territorio ucraino. pic.twitter.com/jaZPBcXA4d— Zona Bianca (@zona_bianca) May 1, 2022
Според италијанските медиуми во интервјуто министерот за надворешни работи се обидувал да ја ослободи Русија од секаков облик на одговорност. Конфликтот не се нарекува „војна“, туку „специјална воена операција“; „инвазијата не ја сакаше Кремљ, но Москва беше принудена да преземе офанзива“; „целта е одбрана на цивилното население и заштита на руските граѓани од Обединетото Кралство и САД“; украинските контранапади се „со цел да се тероризираат цивилите“; масакрот во Буча е „сензационален и лажен“, а самите постапки на Москва се „погрешно претставени од западните медиуми“.
“Bucha? Un fake clamoroso”
A #ZonaBianca il ministro degli Esteri russo, Sergej #Lavrov, espone la versione del Cremlino sul massacro di Bucha. pic.twitter.com/BOW33NjMN8— Zona Bianca (@zona_bianca) May 1, 2022
Лавров не ја штедеше ниту антируската политика што ја презема Европската унија. Западот, всушност, ја поддржа Украина во обид да создаде „воена закана за Федерацијата“. Соединетите Американски Држави и Обединетото Кралство се меѓу првите одговорни за трагедиите што ги доживува нападнатиот народ: „Им предложивме на нашите американски колеги да го повторат она што го кажаа Горбачов и Реган во 1987 година“.
Целта на Москва би била условување за помирување со Атлантската алијанса, потврдувајќи дека нуклеарната војна нема да има победници: „Во 2021 година, во Женева, Путин и Бајден ја прифатија оваа декларација, на наша иницијатива, но сега САД и Британија ја успоруваат“. Според Кремљ, целта за постигнување конкретен мир би резултирала со склучување договор со вистинскиот светски воин: не со Украина, туку со Соединетите држави.
Vladimir Putin ha detto che la Russia ha a disposizione armi mai viste. Che cosa significa? Lo chiediamo a Sergej Lavrov, il ministro degli Esteri russo. #ZonaBianca pic.twitter.com/V9mH81BE1F
— Zona Bianca (@zona_bianca) May 1, 2022
Не случајно Лавров ја префрла топката, уште еднаш, на администрацијата на Бајден: можниот почеток на нуклеарна војна ќе зависи од Западот. Самата употреба на „оружје досега невидено“, најавено од Путин пред неколку дена, само би се претворило во контранапад на американското активирање на нејзиниот ракетен систем.
