Мажот на познатата пејачка Ники Минаж, Кенет Пети (41), во средата беше однесен во притвор, а светските медиуми пишуваат дека сам и се предал на полицијата, откако против него е поднесена тужба на државно ниво.
Кенет Пети се пресели во Калифорнија во јули 2019 година, но кога полицијата го пресретна во ноември 2019 година, тој се уште не беше регистриран како сексуален престапник.
На 15 ноември полицаец го запре и утврди дека Пети веќе се води како сексуален престапник во државата Њујорк, но дека никогаш не е регистриран на тој начин во Калифорнија како што налага законот, иако во Калифорнија се преселил четири месеци порано.
Се чини дека и по тие опомени од полицарцот, Пети и натаму не се регистрирал, па сега полицијата одново го разгледува неговиот случај.
Градот Лос Анџелес веднаш поднесе тужба против него поради тоа што тој и натанаму не е регистриран како сексуален престапник.
Тој е уапсен и пуштен со кауција од 20.000 долари, а сега е обвинет и на државно ниво за истата работа.
Кенет во 1995 година е осуден за обид за силување од прв степен. Поради злосторството, тој отслужи затворска казна од речиси четири години во Њујорк и потоа мораше да биде регистриран како сексуален престапник, но Пети тоа не го направил и во Калифорнија.
Ако биде осуден по државната тужба која е отворена против него, Кенет може да добие и до десет години затвор.
Обвинетилите бараат домашен притвор за Пет, но неговиот адвокат вложи приговор и наместо тоа, Пети ќе носи локатор преку кој полицијата ќе може да го следи секое негово движење.
Пети ќе биде под константен надзор и веќе и го предаде својот пасош на полицијата. Неговото движење е ограничено само во Јужна Калифорнија.
Тој сега нема да смее да користи никаква дрога, дури ниту марихуана од легалните амбуланти во Лос Анџелес.
