Ова е знак кој не може да се пофали со челична волја и мускулна сила, но затоа интелектуалните способности му се исклучителни. Сестран е, наоружан со знаење од сите области, речит, подвижен, снаодлив во сите прилики.
Во друштво секогаш е насмеан и ведар, се радува на новите познанства, новата работа, без проблем ги менува навиките и местото на живеење. Прилагодлив е, редовно работи неколку работи во исто време. Може да биде цел ден на работа, а навечер забавен во друштво. Мајстор е за поправање на расположението на намторестиот шеф или на лутиот партнер.
На машките претставници не им се напознати куќните обврски, во некои се подобри дури и од партнерките. Жените пак, можат да се носат со мажите во сите „нивни области“ – од посредување во продажба на компанија па до разговор за фудбал. За машките Близнаци може да се каже дека го поседуват она што им недостасува на многу мажи, а истото важи и за жените.
Во секакви меѓучовечки односи се снаоѓаат: во пријателство, разговори, рационални објаснувања и убедувања. Во секоја ситуација наоѓаат некоја комична страна, па дури и некоја закана ја доживуваат како игра. За Близнаците може да се каже дека се како мали деца, а и многу од нив можат да се пофалат со младешкиот изглед и духот во зрели години.
