По завршувањето со европската турнеја, светски позатиот хеви метал бенд „Мегадет“, кој е формиран во 1983 година, набргу по заминувањето на пејачот Дејв Мустејн од „Металика“, неодамна објави проштална порака до своите европски обожаватели, заблагодарувајќи им се на досегашната поддршка.
„Сакаме да им се заблагодариме на бендовите со кои свиревме, на нашата неверојатна екипа која ни помага да приредиме најдобра можна претстава на концертите. Благодраност до обезбедувањето и посебно до нашите „die hard“ обожаватели, кои патуваа далеку само за да не гледаат како свириме“, стои во соопштението на бендот.
„Одиме дома на краток одмор, ќе снимаме албум, а потоа ќе се подготвиме за летната турнеја. Набавете си влезници, не сакате да го пропуштите она што го испланиравме за вас!“, се додава во соопштението.
Првиот следен концерт „Мегадет“ ќе го одржи на 26-ти феверуари во „Даријен лејк перформинг артс“ центарот во Њујорк.
Бројни фанови се присетија на концертите на „Мегадет“ во своите градови во коментар на фотографијата која го објави бендот.
