За искреното пријателство на хероината од филмот „Медена Земја“, Атиџе Муратова и нашата позната пејачка, водителка и писателка Сузана Турунџиева пишувавме многупати.
Нивното пријателство не беше спречено ниту од пандемијата на коронавирусот. Двете дами го користеа секој момент да го поминат заедно, а секое нивно дружење да го збогатат со многу музика.
View this post on Instagram
Неодамна двете дами го остварија долго најавуваниот дует „Од Бекирлија до Битола“, а притоа беше промовиран и видео спот за оваа композиција, која е најава за нивниот прв заеднички албум „Иста судбина“.
Викендов Сузана и Атиџе беа поканети да настапат на една приватна прослава. Совршено стилизирани во елегантни тоалети двете дами настапија во дует изведувајќи една од песните од нивниот прв албум пред присутните гости.
– За некои луѓе никогаш не си сигурен дали се поубави однатре или однадвор. Таква е и нашата славеничка Елена Солаков – прекрасна, уникатна и беспрекорна во секој поглед. Атиџе и јас уживавме на родененската прослава. Среќен роденден драга наша Елена и продолжи и понатаму да им ги разубавуваш животите на луѓето, стои во описот на објавата на Турурнџиева со која и се заблагодарува на славеничката која ги поканила да бидат гости на нејзината прослава.
Сузана и Атиџе со својот настап ги разнежнија присутните гости кои уживаа во прекрасната изведба на двете дами чие искрено пријателство не освојува.
