Најконтроверзната американска старлета, 25-годишната Кортни Стоден од минатиот месец повторно е слободна. На друштвените мрежи објави дека официјално е разведена од 59-годишниот актер Даг Хачисон. Како што таа наведе, разводот траел 2 долги години, поради што сега е многу среќна. Помеѓу останатото, пред неколку дена таа проговори за депресијата против која се бореше минатата година.
Како што претходно изјави, и беа потребни 2 години за да го заврши бракот со актерот за кого се омажи кога имаше само 16 години.
„Ми требаше волку време, бидејќи погрешно ги пополнив листовите за барањето. Ова ми е прв развод, па за решавање на документацијата ми беа потребни 2 години. Целиот тој процес ми ја распарчи душата, но и неговата. Се уште имаме многу чувства еден спрема друг“, изјави таа.
Но, иако се знаеше дека дојде крајот на нивниот брак, не беше познато која е причината позади тоа. Кортни за „Radar online“ сними видео каде потполно искрено разговара за целото искуство. Тоа што шокираше многумина е признанието дека се соочила со тешка депресија во 2019 година: „Не е тајна дека паднав во депресија“.
„Не гледав излез од оваа болна животна ситуација. Во една прилика додека бев пијана, се одлучивив дека тоа е тоа, крај“, ја отвори душата 25-годишната старлета која сега е среќна што не успеала да се самоубие.
Покрај сето тоа, таа откри дека со сопргот Даг и понатака е во добри односи, но дека сега сфатила како се уште не е спремна за таков живот.
„Иако Даг не ме гледаше така, јас бев дете и тоа не може да се сокрие“, заклучи таа.
