Актерот Том Холанд кој глуми „Спајдермен“ во истоимената франшиза на филмскиот универзум Марвел, на својот инстаграм-профил се пожали дека во супермаркетите нема јајца среде пандемијата на коронавирус.
Поради таа причина, 23-годишниот актер најде креативно решение на проблемот. Тој реши да чува неколку кокошки за да станат „извор на јајца“.
„Со сè што се случува, рафтовите се празни. Нема јајца. Ние треба да го решиме тој проблем, ќе станеме изворот на јајца. Сега, ние сме сопственици на кокошки”, вели тој во видеото додека држи кокошка.
Јавноста не може да престане да зборува за неговата нова снаодлива идеја и необичните имиња на некои од пилињата – Предатор, Ренџер и Честнат.
„Том Холанд е единствената позната личност чие искуство во карантин е корисно затоа што тој посвои живо пиле и го нарече предатор, ова е добар пример за сите нас “, стои во коментарите.
