– Во текот на новата седмица која што ни претстои, и тоа под влијание на ИЗРАЗЕНА влажна и нестабилна воздушна маса, времето во Македонија ќе биде ОСОБЕНО НЕСТАБИЛНО, на повеќе места со пороен дожд, грмежи и засилен ветер. Локално ќе има појава на НЕВРЕМЕ проследено со интензивен пороен дожд (за релативно кратко време поголемо количество на воден талог кое може да услови локални поплавувања), силен ветер, силни електрични празнења и со појава на град кој би можел да биде од поголем пречник. Температурите ќе бележат тенденција на опаѓање. И во Скопскиот регион во текот на новата седмица која што ни претстои, ќе растат условите за нестабилност проследена со пороен дожд, грмежи и засилен ветер. Во делови од котлината ќе има услови за појава на КРАТКОТРАЈНО НЕВРЕМЕ, додека температурите ќе бележат тенденција на опаѓање – вели метео прогнозерот Славчо Попоски.
ПРЕДУПРЕДУВАЊЕ: Со оглед на тоа дека во следниот период повторно очекуваме циклон над Македонија и многу нестабилно време, во случај на појава на електрични празења да не се претстојува на отворен простор и под осамени дрвја. Исто така во случај на електрични празења овчарите своите стада да ги делат во помали групи, со цел истите да ги заштитат. Граѓаните кои возат автомобили, истите во случај на силен ветер да не ги ставаат во близина на дрвјата, со цел да не дојде до несакана штета.
