– Како што најавивме, утре времето во Македонија ќе се задржи претежно стабилно, суво и сончево со мала до умерена локална облачност. Максималните температури ќе се искачуваат во интервалот од 7 до 15 степени. Во понеделник и тоа особено попладне и навечер, како и во текот на ноќта кон вторник и тоа под влијание на нов влажен и студен воздушен бран, ќе има нови врнежи од дожд и од снег, а ќе започне да дува засилен, повремено на некои места СИЛЕН ветер од северен правец- вели нашиот метео прогнозер Славчо Попоски.
Нова снежна покривка ќе се формира и на некои пониски места, додека на планините истата ќе се зголемува. Локално провејување на снег ќе има и во вторник, додека од среда па натаму времето ќе биде претежно стабилно, суво и потопло преку ден. Нешто пониски температури и тоа поради северниот ветер ќе имаме во вторник и истите ќе се искачуваат во интервалот од 2 до 10 степени, додека наутро истите понекаде се очекува да се спуштат до околу -10 степени.
И во Скопскиот регион во следните денови времето ќе биде претежно стабилно и суво, а исклучок ќе биде понеделник и тоа особено попладне и навечер, како и во текот на ноќта кон вторник кога се очекуваат нови врнежи од дожд и од снег итоа под влијание на веќе споменатиот влажен и студен воздушен бран.
Според Попоски, во понеделник кон крајот на денот и во текот на ноќта кон вторник, како и во вторник ќе дува засилен ветер од северен правец. Максималните температури ќе се искачуваат во интервалот од 7 до 11 степени, додека минималните ќе се спуштаат во интервалот од -3 до 0 степени.
