– Денес времето во Македонија ќе биде сончево и МНОГУ ТОПЛО со умерена облачност и со слаб до умерен ветер од северен правец. Ветерот Долж Повардарието повремено ќе засилува на интензитет. Околу пладне и попладне локално ќе биде нестабилно со пороен дожд, грмежи и засилен ветер, а локално процесите можно е да бидат ПОИНТЕНЗИВНИ и застапени во форма на НЕВРЕМЕ, проследено со интензивен пороен дожд, силен ветер, електрични празнења и со појава на град. Температурите ќе се искачуваат во интервалот од 24 до 31 степен, вели метео прогнозерот Славчо Попоски.
Во Скопје и околината времето ќе биде сончево и МНОГУ ТОПЛО со умерена облачност. Ќе дува слаб до умерен ветер од северен правец, и истиот повремено ќе засилува на интензитет. Околу пладне и попладне во делови од котлината ќе има услови з краткотраен пороен дожд, грмежи и засилен ветер. Максималната температура ќе се искачи до околу 28 степени.
Според Попоски во следните денови во претпладневните часови времето ќе биде претежно стабилно, суво и сончево, додека во попладневните и во вечерните часови ќе има појава на локална нестабилност, проследена со пороен дожд, грмежи и засилен ветер. Локално ќе има услови и за појава на КРАТКОТРАЈНО НЕВРЕМЕ. Што се однесува до температурите, тие ќе бележат тенденција на понатамошен пораст и максималните дневни веќе од среда во најтоплите предели ќе надминуваат дури и 35 степени. Сето ова е поради влијанието на МНОГУ ТОПЛАТА воздушна маса која од северните предели на Африка продира кон нашата држава.
