– Под влијание на Фронтален систем од запад, во петок, како и за време на најголемиот Христијански празник, Воскресение Христово – Велигден , времето во Македонија ќе биде доста нестабилно, на повеќе места со попладневен пороен дожд, грмежи и засилен ветер во зоната на нестабилност. Повремени врнежи ќе има и во претпладневните часови.
Поради повремениот пад на температурите, ќе се создаваат услови за повремени врнежи од СНЕГ на високите планини.
Можна е појава на локално НЕВРЕМЕ, проследено со силен ветер, електрични празнења и локална појава на град,.
Максималните температури ќе се искачуваат во интервалот помеѓу 6 и 17 степени во најтоплите централни и југоисточни предели.
И во Скопскиот регион ќе има повремени врнежи од дожд и истите повремено ќе бидат ПОИНТЕНЗИВНИ. Температурата ќе се искачува во интервалот помеѓу 16 и 20 степени само утре, а потоа температурата повторно ќе биде пониска.
Барем отсега гледано, нема на видик долготрајна стабилизација на времето и високи пролетни температури, што значи дека продолжува доста променливото време, со почести врнежи – вели метеопрогнозерот Славчо Попоски.
За повеќе метео информации следете го Фејсбук профилот на Славчо Попоски – ТУКА.
