Пред неколку дена, американската јавност ја осуди ријалити-ѕвездата дека сака да заработи додека трае пандемијата од коронавирусот, но таа се искупи со вредна донација. Сега од Ким стига нов бран на опседнатост со себе, велат американските медиуми.
Откако нејзината сестра Кајли Џенер донираше милион долари во една болница за медицинска опрема потребна во борбата против вирусот, Ким Кардашијан ги повика сите да купуваат од нејзините производи на новата линија Скимс и вети дека ќе донира 20% од профитот.
Откако направи едно добро дело, Ким се врати на размислувањето за својот изглед и секојдневието, па на Инстаграм објави постара фотографија на која позира како русокоса и напиша:
„Косата ќе ми биде многу здрава кога ќе помине карантинот. Размислувам да се офарбам во русокоса кога повторно ќе може да имаме човечка интеракција“
