Актерот Силвестер Сталоне ги изненади фановите со новиот стајлинг објавувајќи кратка снимка за време на возење со автомобил.
Изгледа дека 73-годишниот Сталоне одлучил дека е време за природен изглед, па покажал дека престанал да ја бои косата и се препуштил на седата коса.
„Некогаш се будам и едноставно ништо не правам. Само се опуштам. Доколку некој каже поинаку, лаже – тоа е во човечката природа. Тогаш ќе се замислиш, ќе бидеш малку лут на себе, сфаќаш дека мораш да се посветиш на своите цели. Тогаш се враќам на својата омилена фраза и го правам тоа. Само продолжи да удираш“, напишал Сталоне покрај снимката.
Скоро сите ја забележаа седата коса на актерот и му препорачаа дека во тоа издание повеќе им се допаѓа.
„Уште пошармантен си вака“, „Изгледаш одлично, Си“, „Годините ништо не ти можат, се уште си инспирација“, биле само дел од коментарите.
