„Размислував да се борам против Русија“: ова се зборовите на Шон Пен, размислувања родени во интервјуто за новиот магазин Hollywood Authentic: „Мојата намера е да се вратам во Украина. Но, јас не сум идиот, не сум сигурен што можам да понудам“.
Оскаровецот режисер и актер објасни дека „единствената причина поради која би останал подолго во Украина би била со пушка во рака“. Објаснува и дека како странски државјанин, повеќе би префрирал доколку има воена и одбранбена опрема да ја остави на некој цивилкој ја нема, „на некој повешт од мене или на млад човек кој би можел подолго да се бори“.
Пен понатаму се прашува: „Во кој век сме? Бев на бензинската пумпа Брентвуд пред некој ден и сега мислам да одам да се борам со Русија? Што по ѓаволите се случува?”.
Актерот зборуваше и за неговата средба со Зеленски: „Ми падна во очи тоа што гледав во едно момче кое знаеше дека треба да достигне највисоко ниво на човечка храброст и лидерство. Мислам дека откри дека е роден да го прави тоа“.
Неодамна Пен исто така рече дека ќе биде доволен само еден милијардер кој би можел да стави крај на оваа војна. На Твитер тој упати многу специфичен апел: „кој има пари нека излезе. Се разбира, тоа не би било потфат без посветеност, меѓу вооружување и обука, „но вреди да се размислува за тоа“, напиша тој.
И отиде уште подалеку, правејќи некои буџетски пресметки за да започне операцијата: две ескадрили Ф-15 или Ф-16 погодни за украински пилоти со само тринеделна обука „би го чинеле приватниот купувач околу 300 милиони долари“. На нив, Пен предложи, да се додадат уште 200 милиони за ракетна одбрана, а тоа е вкупна инвестиција од 500 милиони долари.
