Во САД и Велика Британија планирани се операции спроведени од украинските вооружени сили, обвинува рускиот министер за одбрана Сергеј Шојгу кој зборуваше на 10. Московска конференција за меѓународна безбедност.
„Операциите на украинските вооружени сили се планирани во Вашингтон и Лондон. Не само што координатите на целите за нападите се обезбедени од западното разузнавање, туку и вметнувањето на овие податоци во вооружените системи се врши под целосна контрола на Западни специјалисти“, објаснува Шојгу.
Според министерот, западните земји се одговорни за смртта на цивилите во Донбас, бидејќи тие го снабдуваат Киев со оружје на НАТО.
„Улогата на Киев во западниот пристап кон војувањето е сведена на снабдување со војници (работна сила), која се смета за потрошен материјал. Ова ги објаснува огромните кадровски загуби на вооружените сили и формациите за територијална одбрана на Украина“, додаде тој, истакнувајќи дека реалните бројки на загинатите војници и мобилизираните сили за територијална одбрана се сокриени од раководството на Киев.
