Пјонгјанг, еден ден откако го призна присуството на вирусот во земјата, ги соопштува првите податоци: покрај шесте смртни случаи поради неидентификувана „треска“, се појаснува дека над 187.000 луѓе се „изолирани и се лекуваат“.
Северна Кореја објави дека шест лица починале вчера од „треска“, еден ден откако признаа дека епидемијата на Ковид пристигнала за прв пат во Пјонгјанг, најава што го поттикна лидерот Ким Џонг-ун да донесе одлука за „заклучување“ на сите градови во земјата и најригорозни мерки.
Повеќе од 187.000 луѓе, пак, се болни и се „со треска“ , „изолирани се и се лекуваат“, ова го соопшти официјалната новинска агенција КЦНА, по откривањето на првиот официјален случај на коронавирус во земјата.
„Во моментов, до 187.800 лица се изолирани и се лекуваат“, објаснуваат од официјалната новинска агенција, прецизирајќи дека шест лица починале со симптоми на треска, а меѓу нив едно лице е позитивно на тестот „Омикрон“. Потврдени се 18 илјади случаи на Ковид, според она што го објави официјалниот печат на Пјонгјанг.
„Треската, чија причина не е идентификувана, експлозивно се прошири низ целата земја од крајот на април“, додава агенцијата.
