Колумбиската пејачка сподели фотографија на која позира со Џенифер Лопез, а која јавноста ја посипа со негативни коментари.
Една од најпознатите и најценетите латино-американски убавици, препознатлива по раскошниот глас, неверојатна енергија и супермоќта да во секој момент биде најдоминантната личност во просторијата и покрај тоа што е само 157 сантиметри висока.
Сепак, откако беше обвинета дека во Шпанија сокрила дури 14,5 милиони евра, пејачката започна да живее уште поповлечено отколку порано, исклучително помалку работи, а е посветена само на својот сопруг Пике и нивните синови Милан и Саша. Фановите тврдат дека тоа оставило трага и на нејзиниот изглед – се повеќе изгледа како „обична жена“, а се помалку како суперѕвезда.
Иако нам Шакира ни изгледа исто како порано, нејзините обожаватели беа немилосрдни последните неколку дена, особено кога Колумбијката објави фотографии на кои позира со својата колешка Џенифер Лопез. Прочуените убавици разговарале со новинарите по повод настапот за време на Супербол, кога настанале и фотографиите, а тоа што било очигледно е дека Џеј Ло исклучително многу се дотерала за оваа прилика, додека Шакира изгледа како да брза да ги собере децата од училиште.
Поради тоа се нижеле безброј непријатни коментари, како тоа дека Шакира изгледа смешно покрај Џенифер, како и дека требало да се наспие прво добро, а некои прокоментирале и дека изгледа како лош хипик.
