Српскиот актер Сергеј Трифуновиќ синоќа ја пријавил сопругата Исидора Мијановиќ за насилство, дознава српски „Курир“.
Според изворот на „Курир“, полицијата синоќа нешто по 22 часот по пријава на Трифуновиќ дошла во станот на Вождовац, каде што тој живее со сопругата.
Сергеј наводно изјавил дека се скарал со сопругата и дека рекол дека ќе го напушти станот. Таа тогаш се заканила дека ќе искрши сè во станот рекол изворот за „Курир“ и додал дека за сè било информирано Второто основно јавно обвинителство.
Трифуновиќ и неговата сопруга биле сослушани во полициска станица, а обвинителот се изјаснил дека нема елементи на кривично дело.
Меѓутоа, било утврдено дека Исидора практично илегално престојува во Србија, со оглед на тоа што е државјанка на Хрватска, па против неа е поднесена прекршочна пријава врз основа на Законот за странци, додал изворот.
Сергеј и Исидора се венчаа на 12 мај, додека пред една недела, судејќи по неодамнешните објави на Инстаграм, тие ја официјализираа својата љубов овој пат со граѓански брак.
