Сара Јовановиќ откри дека била разочарана кога не победила на Беовизија, a беше фаворитка.
Но, понатаму таа открива и дека не мисли ништо лошо за Констракта. Сепак, пејачката стана главна тема на социјалните мрежи по „поразот“ од Ана Ѓуриќ Констракта.
Имено, Сара заврши на второто место, а многумина го коментираа изразот на лицето на пејачката кога Констракта беше прогласена за победничка.
– Секако, имаше и разочарувања, бидејќи знаеме дека дадовме се од себе, но бидејќи сум луда перфекционистка, најважно ми беше кога ќе се симнам од бината а сум задоволна, и фала богу што беше така. Се разбира, беа вклучени и емоциите, но далеку од тоа дека до толку сум очајна – рекла пејачката.
Сара истакнува дека мисли се најдобро за Констракта и нејзината песна и дека се надева дека ќе победи во Торино.
-Никогаш не се знае, но мислам дека автентичноста на Констракта ќе ја доведе до висок пласман, до првото место. Мислам дека Констракта отсекогаш била олицетворение на автентичноста – изјавила Сара за Гранд онлајн, пренесува Блиц.
