Дарко Лазиќ денес го слави Ѓурѓовден, а неговата сопруга Катарина беше вредна и покажа што подготвила за празничната трпеза. Семејството на Дарко денес ќе ги пречека гостите во својот дом во Брестач, а подготовките за славата траеле со денови.
Мајката на Дарко, Бранка, е искусна домаќинка, но неговата сопруга, Катарина, која ги засука ракавите и се фати за работа, не е далеку зад неа.
На социјалните мрежии, Катарина се пофали со празничната погача, како и со бројните варијанти на мали колачи. Каќа била вредна до доцна во ноќта, па дури и успеала да ја постави масата за празникот. Откако ја завршила сета работа, таа објави фотографии на социјалните мрежи и им посака добра ноќ на своите следбеници. Исто така, сопругата на Лазиќ им го честиташе Ѓурѓовден на сите што слават денес.
„Нека им е среќна слава на сите што слават и нека ни дарува Бог здравје и љубов“, напиша Катарина покрај иконата на Свети Ѓорѓи.
Инаку, партнерот на мајката на Дарко, Драган Пауновиќ, ќе дојде кај Лазиќ да прослави.
– Не се мешам во подготовката, тоа е нивно семејство, но го почитувам и ценам сето тоа. Роден сум во Холандија, едвај ги разбирам сите празници, но знам дека Ѓурѓовден е голема слава. Го слават на големо, ќе има многу гости во Брестач. Дарко е добар домаќин и сите пофалби за него и неговото семејство – рекол Драган за српските медиуми и додал дека е забавно кога се собираат како семејство.
