Проектил погодил преполн трговски центар во градот Кременчук, во областа Полтава во централно-источна Украина, според извори цитирани од локалниот печат. Повеќе од илјада цивили се заробени во објектот што гори. Ова го потврдува и претседателот Володимир Зеленски со порака и видео објавено на социјалните мрежи.
Според градоначалникот на Кременчук, Виталиј Малецки, објектот бил погодена од руските сили и покрај тоа што нема никаква врска со „воените активности“ на истокот на земјата. Зеленски објави дека во моментот на експлозијата во зоната на трговскиот центар биле присутни над илјада луѓе. Кременчук се наоѓа покрај реката Днепар.
Бројот на загинати „не може да се замисли“, бидејќи во трговскиот центар Кременчук имало „илјада луѓе“, вели претседателот на Украина: „Окупаторите испукаа ракети кон трговскиот центар, каде што имаше повеќе од илјада цивили. Трговскиот Центарот гори, спасувачите се борат со огнот, бројот на жртви е невозможно да се замисли“, забележа Зеленски, кој објави и слики од погоденото место, нагласувајќи дека тоа во никој случај не може да се смета за стратешко или воено.
Во објава на Телеграм, Кирил Тимошенко, заменик-шеф на украинскиот претседателски кабинет, додава дека девет од 20-те повредени се во тешка состојба.
View this post on Instagram
