Денешниот ден во музичката историја го одбележуваат неколку клучни настани, помеѓу кои слободно може да се оддели раѓањето на кралицата на соул музиката – неверојатната Арета Френклин.
Во продолжение прочитајте по што сѐ друго ќе го паметиме 25 март, кога е музиката во прашање:
1942 година – Родена е Арета Френклин, американска пејачка која ја носеше титулата „Кралица на соул музиката“.
1947 година – Роден е Елтон Џон, англиски пејач, автор и пијанист, под вистинско име Рџиналд Кенет Двајт.
1947 година – Роден е Момчило Пападиќ, драмски писател, новинар и поет, еден од најплодните текстописци за многу познати изведувачи на забавна и поп музика.
1963 година – Американската сурф-рок група „Beach boys“ го објави својот втор албум „Surfin’ USA“, кој на националната топ листа помина речиси 20 месеци на самиот врв.
1967 година – Англискиот рок гитарист Џеф Бек ја сними нумерата „Beck’s Bolero“, со која ја почна работата на првиот самостоен албум.
1970 година – Објавен концертен албум на гитаристот Џими Хендрикс под назив „Band of Gypsys“. Ова беше прво негово лајв издание, но и последно, чиј автор беше лично тој, пред да почине во септември истата година.
1985 година – На 57. доделување на Оскарите, наградата за најдобра оригинална песна ја доби нумерата „I just called to say i love you“, дело на Стиви Вондер од филмот „Woman in red“. Во категоријата „Original song score“, Оскар доби Принц за култната „Purple rain“.
1997 година – Објавен е албумот „Live after death“, вториот и последен кој го сними раперот Биги Смолс. Тој е убиен 16 дена порано, на 9 март, во Лос Анџелес.
2008 година – Објавен е четвртиот албум на „Едо Маајка“ под назив „Балканско а наше“. Изданието носи 15 нови песни од кои како поголеми хитови се издвојуваат нумерите „Дај ми љубав“, „Климај главом“, „Покради лову“ и „Све пролази“.
