Црногорскиот музичар Рамбо Амадеус на својт официјален Фејсбук профил објави статус со кој многумина би можеле да се сложат, а се однесува за коронавирусот.
Контроверзниот музичар објави две слики од Венеција, каде водата во последните денови е толку прочистена што се гледаат и рибите во каналите, па поради ова Рамбо констатираше дека природата очигледно одлично се снаоѓа без нас.
„Да не е коронавирусот, веројатно никогаш немаше да сфатиме колку всушност сме инвазивна врста како човечки род и колку малку и е потребно на природата за да стане подобра без нас. Се надевам дека оваа криза ќе делува воспитно на човечкиот род, односно дека ќе бидеме што помалку сурови кога ќе сфатиме дека природата ни пушти едно од најмалите суштества и појави од својот богат арсенал – само за целосно да не притегне“, пишува музичарот.
„Погледнете како таа се снаоѓа без нас. Без хорди луѓе, глисери, крузери, инвазии од луѓе кои доаѓаат да им се восихитуваат на убавината, истовремено уништувајќи ја. Ако некогаш во животот сум имал некое религозно чувство – тоа дефинитивно е сега, додека гледам како водата во каналите е прочистена за помалку од еден месец. Всушност сега природата е таа која има карактеристики на нешто боженствено и дефинитивно таа заслужува боженствен третман од нас, а не обратно“, додава Амадеус во својата објава.
