Драмата меѓу Горан Иванишевиќ и неговата поранешна сопруга Татјана Драговиќ продолжува.
Неделниот весник „Национал“ објави нови пораки разменети меѓу двајцата во 2021 година, во кои поранешниот тенисер и сегашен тренер на Новак Ѓоковиќ ја навредува својата поранешна сопруга.
– Најдоброто нешто што го направив во овие 15 години беше тоа што те изневерив, но, за жал, згрешив што повторно бев со тебе – пишува во една од пораките.
Како што понатаму се наведува, Иванишевиќ во своите пораки ја навредувал поранешната сопруга и нивното дете.
Да потсетиме, Иванишевиќ на почетокот на неделата јавно се огласи на социјалните мрежи и ги спомена судењата што ги имаат, како и дека ќе се обиде да ги добие „сите пари што во моментов се кај неговата поранешна сопруга“.
Оваа тема ја истражуваше и неделникот „Национал“, кој откри дека Иванишевиќ неколку пати ја тужел својата поранешна сопруга и дека судот ѝ го блокирал целиот имот. Покрај тоа, тој наводно покренал постапка и против ќерката А. И. Сега бара од неа половина од станот што ѝ го дала Татјана.
