Принцот, по повод неговото патување во Европа на Игрите Invictus, даде интервју во кое открива некои детали од неговата средба со кралицата: „Таа е во одлична форма и секогаш има силна смисла за хумор. Сакам да се уверам дека ги има вистинските луѓе околу себе“, додека за Калифорнија рече: „Бев пречекан со раширени раце“.
Извори блиски до Палатата зборуваат за „срдечна и многу топла“ посета на Хари и Меган. Телеграф отиде уште подалеку со шпекулирање на официјална покана на балконот на Бакингемската палата за настанот Trooping The Color. Хипотеза, се разбира. Но, иако не е познато што конкретно зборувале Хари и Меган со кралицата Елизабета, некои детали за тајната средба полека испливаа на површината.
„Да се биде со неа беше фантастично“, изјави војводата во интервју за „Тудеј шоу“ и веднаш ги отфрли шпекулациите за здравствената состојба на кралицата која не присуствуваше на последните институционални состаноци поврзани со Велигденските празници.
„Таа е во одлична форма, со мене секогаш има силна смисла за хумор“, новинарката Хода Кобт потоа прашува дали и овој пат успеал да ја насмее, а одговорот од Хари беше потврден.
„Пиевме чај заедно“, додаде Хари, „се погрижив таа да биде заштитена и да ги има вистинските луѓе околу себе“.
Но Хари има убаво мислење и за неговиот живот во САД.
„Мојот дом, моментално, е во Соединетите Американски Држави, така се чувствувам“, рече војводата, давајќи увид во семејниот живот во Калифорнија, со сопругата и двете деца, Арчи и Лилибет. Во САД, вели, биле пречекани со раширени раце. А открива и дека имаат големо друштво во Санта Барбара . Нормално, тој не споменува имиња, но се знае дека во областа Монтесито живеат неколку меѓународни ѕвезди, меѓу кои и нивната пријателка Опра Винфри.
Минатонеделната средба со кралицата беше првпат Меган да се врати во Велика Британија откако парот најави селидба во САД.
