Американската актерка и поранешна сопруга на холивудската ѕвезда Џони Деп, Амбер Херд (33), фотографирана е заедно со новата девојка Бјанка Бути (38), додека заедно се шетаат за рака во Лос Анџелес.
Нивната романса запона во јануари оваа година, кога се фотографирани како се пакуваат за одмор во Палм Спрингс во Калифорнија.
Амбер во понеделникот попладне е фотографирана со Бјанка, за време на шопинг во Лос Анџелес.
Ѕвездата на „Аквамен“ шеташе во сини фармерки и црн џемпер, додека на нозете носеше „Велингтон“ гумени чизми, а на раката огромна црна чанта.
Нејзината девојка, пак, носи црна кожна јакна, тесни црни панталони и чизми, додека турка количка со цвеќиња и дрва за огрев.
Херд и нејзината девојка се изолираа и социјално дистанцираа, во однос на тоа дека гувернерот на Калифорнија им нареди на сите да останат дома во екот на пандемијата од коронавирусот.
За потсетување, Амбер му предизвика вистински пекол во животот на поранешниот сопруг Џони Деп, откако отвори тужба против него за наводно физичко насилство кое тој го извршил над неа.
Сепак, во одбрана на Џони Деп застанаа неколку славни актерки, како Пенелопе Круз, меѓутоа во меѓувреме на социјалните мрежи исплива и снимка во која Амбер јавно го обвинува Џони Деп.
„Кажи му на целиот свет Џони, кажи им на сите. Јас, Џони Деп, маж, жртва сум на насилство. Па да видиме колкумина ќе ти поверуваат. Ти си поголем и посилен од мене. Јас сум жена од 50 килограми. Ќе станеш во судницата и ќе кажеш: „Таа започна“. Навистина? Судијата и двајцата ќе не погледне па ќе види колкава е разликата меѓу нас“, вели Амбер во видеото.
