Меѓу бројните фанови кои му искажаа сочувство и поддршка, има и многу познати личности, колеги и пријатели на Роналдо. Од Усеин Болт до фудбалски колеги како Маркус Рашфорд, Гери Линекер, Лукас Васкез, Фелипе Мело, и цели фудбалски клубови…
Веста дека Кристијано Роналдо (37) и неговата свршеница Џорџина Родригез (28) го загубија синот – новороденче, ги преплави и социјалните мрежи, а многумина во овие тешки моменти им дадоа пораки за поддршка.
Меѓу многуте фанови има и бројни познати личности и колеги и пријатели на Роналдо како и неговиот фудбалски клуб.
– Вашата болка е наша болка. На тебе и на твоето семејство во моментов испраќаме љубов и сила – му порачаа од Манчестер Јунајтед.
– Потресна вест. Најдлабоко сочувство до тебе и целото твое семејство – напиша водителот Пирс Морган (57).
– Пријателе, ти ги испратив моите молитви и моите чувства во ова тешко време. Господ нека ви ги утеши срцата и нека ви го просветли секој чекор – му порача поранешната фудбалска легенда Пеле (81).
„Реал Мадрид ЦФ, неговиот претседател и неговиот Управен одбор длабоко жалат за смртта на едно од децата што го чекаа нашиот сакан Кристијано Роналдо и неговата партнерка, Џорџина Родригез. Реал Мадрид се придружува на болката на целото семејство и сака да им ја покаже сета своја љубов и наклонетост“, пишуваа од Реал Мадрид.
Парот веста за бременоста на Џорџина ја објави во октомври минатата година, а вчера на социјалните мрежи објавија дека нивниот мал син не преживеал.
View this post on Instagram
