Вчера на 67-годишна возраст ненадејно почина вокалистот и клавијатурист на групата „Интервали“, Мирчо Чуков.
Пријателите и колелегите од музичкиот свет се опростуваат од него на социјалните мрежи.
Веста за ненадејната смрт ја соопшти СДСМ од Ново Село, родното место на Мирчо, а во оваа партија тој беше член.
– Изгубивме голем сопартиец, борец, а пред сѐ голем човек! Почивај во мир, пријателе! Сочувство до фамилијата!, стои во нивната објава на Фејсбук.
„Почивај во мир, драг мој Мирче. Македонија изгуби денес еден од најдобрите вокали, прекрасен човек и другар. Почивај во мир и нека ти биде патот светол до вечноста. Сега да им пееш на ангелите“- напиша на Фејсбук естрадниот уметник Ѓоко Ѓорчев.
„ Направи многу музички дела и задолжи многу музички генерации пробивајќи им пат. Струмица и Македонија се сега сиромашни за уште еден музички великан. Преку твоите песни ќе живееш овде меѓу нас“…-пишуваат пријатели на Чуков.
