Холивудската ѕвезда Николас Кејџ ќе стане татко по трет пат, овој пат со својата петта сопруга, 27-годишната Рико Шибата, како што најави самиот актер.
Актерот, кој моментално го промовира својот нов филм „Неподнослива тежина на масивниот талент“, ја откри добрата вест за време на гостувањето во шоуто „Кели Кларксон“, додека раскажуваше анегдота за плочите што ги слушал со својот брат како дете. Зборувајќи за албумот на Битлси од 1970 година, „Let It Be“, а особено песната „Across the Universe“ и за тоа како имале големо влијание врз неговата кариера до тој степен што тој сè уште ја смета за најубава песна денес и на сите времиња, Кејџ одеднаш изјавил:
“Инаку, сакам да споделам со вас една одлична вест. Ќе имам девојче. А нејзиното име, токму поради ‘Across the Universe’ ќе се вика Ленон – Ленон Оги, во чест на татко ми [ Август Копола, н.з.]. Можам да ја наречам Лени. Многу сум возбуден“, продолжи Кејџ, додавајќи дека тоа ќе биде најголемата авантура во неговиот живот.
View this post on Instagram
Ленон Оги ќе биде првата ќерка на Николас Кејџ: актерот во минатото има уште две деца, и двете машки, Вестон Копола Кејџ, кој сега има 32 години и кој е роден од врската со актерката Кристина Фултон и Кал-Ел , 17, кого ѕвездата го доби од третата сопруга Алис Ким. За да не пропушти ништо, Ник Кејџ е и дедо: од најстариот син Вестон имал два внуци, родени во 2014 и 2016 година.
