Аманда Георгиадис Тенфјорд е претставничката на Грција на Евровизија 2022. Родена во 1997 година, а на 17 години пејачката кариера ја започнала со песната Run која бргу станала хит.
Родена во Грција, но израсната во Норвешка, таа се качи на сцената на ПалаОлимпико во Торино вчеравечер на првото полуфинале, и ги испеа нотите од нејзината песна Die Together, која сама ја напишала по крајот на една нејзина голема љубовна приказна.
Нејзиниот фустан пак, буквално ја осветли сцената. Долг модел, висока јака и надуени ракави, потпишан од грчката дизајнерка Селија Критариоти, сопственичка на најстарата модна куќа во земјата, основана во 1906 година.
Аманда со изборто на креација и нежниот настап ја маѓепса публиката: додека Тенфјорд се движеше, блескавата ткаенина на фустанот ја доловуваше светлината, ослободувајќи ги сите бои на виножитото.
View this post on Instagram
Песните на грчката претставничка, за неколку години постигнаа светска слава, а уметницата е позната и благодарение на телевизиската серија Spinning Out во продукција на Netflix.
Авторката на евровизиската песна и пејачка рече дека песната е напишана како последица на неуспешна врска:
„Помина извесно време од раскинувањето и напишав цел албум за врската од почеток до крај, а Die Together е само една од песните во моментот на раскинувањето, кога се е хаотично и тажно.“
