Русија е подготвена да соработува со МААЕ во врска со мисијата во нуклеарната централа Запорожје, уверува портпаролот на Кремљ, Дмитриј Песков, додавајќи дека Русија е „заинтересирана“ за мисијата.
Тој исто така смета дека сите земји треба да извршат притисок врз Украина за Киев да престане да ја бомбардира нуклеарната централа Запорожје и да ја загрозува безбедноста на Европа.
Песков им рече на новинарите дека „притисокот од украинската страна може да ја намали воената тензија за (Украина) да престане да ја бомбардира оваа и соседната територија“.
Претходно беше објавено дека земјите од Г7 се „длабоко загрижени“ за ризикот од нуклеарни несреќи во украинската електрана Запорожје и бараат да се гарантира „целосно слободен“ пристап до централата на персоналот на МААЕ што ќе ја посети во текот на неделата.
