На само 27 години по долга и мачна битка со дрогата и алкохолот, во 2011 година почина Ејми Вајнхаус, поп пејачката со волшебен глас, која прерано го напушти овој свет, поради проблемите со зависноста.
Ејми почина во својата куќа во Камден во северен Лондон, а токму таа вечер ја посети докторка, која сега ги открива последните зборови на славната пејачка, пренесува Мирор.
Докторката Кристина Ромет разговарала со Ејми вечерта пред таа да почине, а за време на истрагата откриено е дека пејачката признала како повторно почнала да пие, откако имала период на долга апстиненција.
Наводно, пејачката ја знаела сериозноста на својата состојба и ладнокрвно пред смртта и рекла да докторката: „Не сакам да умрам“.
Докторката раскажа дека на пејачката ѝ бил препишан лекот Либриум, кој требало да ѝ помогне на Ејми за полесно да се носи со последиците од одвикнување од алкохолот.
– Таа беше една од најинтелигентните млади жени кои некогаш сум ги сретнала. Беше одлучна дека ќе направи се како што треба, вклучувајќи ја и терапијата. Имаше многу строги погледи на тоа – вели докторката
Опишувајќи ја состојбата во која била пејачката, односно последните моменти пред да го напушти овој свет, докторката реече дека Ејми делувала „смирено и се однесувала како да чувствува некоја вина“.
Иако била малку пијана, сепак Ејми била свесна и можела нормално да разговара.
Докторката додава дека Вајнхаис и признала дека започнала повторно да пие на 20 јули, само три дена пред да почине.
На прашањето дали планира повторно да престане со пиењето, Ејми рекла дека не знае.
– Советите кои ѝ ги давав за време на долгиот период беа во пишана и во говорна форма. Ѝ зборував за сите дејства кои ги има алкохолот, вклучувајќи ја и респираторната депресија, срцевите проблеми, како и проблемите со плодноста и црниот дроб – раскажува докторката.
По смртта на пејачката, на судот беше соопштено дека Ејми имала 416 милиграми алкохол на 100 милилитри крв, а тоа е многу повеќе од 350 милиграми, што се смета за фатална количина, која веднаш доведува до смрт.
