Познатиот водител Огњен Амиџиќ и неговата девојка Мина Наумовиќ ќе станат родители.
Огњен и Мина ја дознале радосната вест пред еден месец, како што пренесуваат српски Блиц и Курир. Но, тогаш оваа информација ја споделиле само со своите најблиски пријатели и роднини, а сега стигна и до медиумите.
Српски Телеграф објави дека убавата новинарка е бремена во третиот месец, а родителите се уште не планирале да ја откријат веста. Се очекува бебето да пристигне следната година.
Тоа ќе биде второ дете на Огњен, а на Мина прво дете.
– Огњен и Мина се пресреќни откако ја дознаа убавата вест, а информацијата дека ќе добијат бебе ја надополни нивната врска до крај – изјавил извор близок на Огњен и Мина.
– Нивната врска беше силна и сериозна уште од првиот ден, па оваа информација беше очекувана. Огњен буквално едвај чека да добие уште едно дете, а Мина со нетрпение чека да стане мајка – вели истиот извор.
Недолго потоа се огласи и самиот Огњен кој ја потврди оваа вест.
– Точно е дека јас и Мина ќе станеме родители! Не планиравме сега веста да стигне до јавноста, но штом веќе стигна, нема да криеме дека и двајцата сме посреќни од било кога и едвај чекаме да дојде нашето бебе! Ќе има можност да разговараме за се во наредниот период, ви благодариме на разбирањето – изјави Огњен за српски Пинк.
