Овогодишниот Европски конгрес за дебелина 2026 (ECO 2026) се одржа од 12 до 15 мај во Истанбул, обединувајќи водечки светски експерти, научници и организации посветени на истражувањето и современиот третман на дебелината.
Од Клиника „Жан Митрев“ велат дека се горди што дел од овој престижен глобален настан беше и д-р Џулиана Михајловска, ендокринолог, чие учество има особено значење за понатамошниот развој и стратегијата на Центарот за третман на дебелина во рамки на Клиниката „Жан Митрев“.
„За време на конгресот беа презентирани најновите светски трендови, меѓународни студии и современи пристапи во менаџирањето на дебелината. Размената на искуства и знаења со експерти од целиот свет претставува значаен поттик за дополнително унапредување на работата на нашиот Центар и обезбедување уште поквалитетна грижа за пациентите.
Остануваме посветени на континуирана едукација, следење на најсовремените медицински практики и имплементација на врвни глобални стандарди, со цел да понудиме сеопфатна, професионална и современа поддршка во справувањето со дебелината како комплексен здравствен предизвик“ – велат од Клиника „Жан Митрев“.
Клиника „Жан Митрев“ дел од EADV пролетен симпозиум 2026
Клиника „Жан Митрев“ беше дел од EADV пролетен симпозиум (EADV Spring Symposium 2026), кој се одржа во Атина, Грција, еден од најзначајните европски научни настани во областа на дерматологијата.
Во рамките на симпозиумот, д-р Анџелка Илиева презентираше научен труд посветен на меланомот и на современите имунотерапевтски пристапи, истражувајќи како одредени генетски промени можат да влијаат врз одговорот на третманот.
Трудот е резултат на соработка помеѓу Генетската лабораторија при Клиника „Жан Митрев“, Марија Ѓорѓиевска, Џансел Буковец, д-р Горан Кунгуловски, како и д-р Аимилиос Лалас, професор по дерматологија на Универзитетот Аристотел во Солун (Aristotle University of Thessaloniki) и претседател на Меѓународното здружение за дермоскопија (International Dermoscopy Society).
„Учеството на вакви меѓународни конгреси и симпозиуми претставува важен дел од нашата заложба за континуирана едукација, научен развој и следење на најсовремените медицински достигнувања, со една цел, подобра грижа за пациентите“ – велат од Клиника „Жан Митрев“.
Експертскиот тим на Клиника „Жан Митрев“ ви стои на располагање. За закажување преглед или консултации јавете се на тел. 02 3091 484
Комерцијален текст.
