Најголемата балканска ѕвезда Светлана Цеца Ражнатовиќ повторно се појави на снимањето на натпреварот „Ѕвездите на Гранд“ откако направи кратка пауза поради здравствени проблеми.
Цеца беше сабележана од фотографите во сако со светки, провокативен топ и црни панталони. Таа за српските медиуми отворено кажа за здравствените проблеми со кои се соочила периодов.
– Последниве 10 дена имам нешто лошо, два пати вирус, стомаќен вирус, па отсуствував од снимање, а сега за викенд белите дробови, кашлица, нонстоп сум на инфузии. Инаку, имам добар имунитет, не знам што е ова, некоја страшна епидемија – рекла Цеца, а потоа открила што и рекол синот Вељко:
– Не одмарам, не можам да се излечам. Така ми рече мојот син: „Те молам, жено, одмори се“.
