Повеќе од 18.000 верни фанови присуствуваа на концертот на Парни Ваљак посветен на прерано починатиот Аки: многубројната публика гласно ги пееше сите песни.
Аки Рахимовски уште на почетокот на концертот беше почестен со снимка од песната „За малку нежности“, а на сцената се качија многубројни познати имиња од светот на музиката. Кристијан Рахимовски, Перо Галиќ, Масимо Савиќ, Филип Рудан, Нина Бадриќ, Дино Јелушиќ и многу други го прославија Аки и неговиот голем придонес во музиката.
Концертот кој вчеравечер се одржа во Арена Загреб беше распродаден до последно место, а ова беше прв концерт на култниот бенд Парни Ваљак без Аки.
