Англискиот актер Лоренс Оливије целиот свој живот важеше за „шмекер“ на светската театарска и филмска сцена.
Веќе кон крајот на 20-те години на минатиот век, започна да ниже професионални успеси. Главно избираше сериозни, често трагични ликови. Неговите театарски улоги Ричард Трети, Едип, Отело, Шајлок во „Венецијански трговец“ и многу други, на извесен начин поставија глумачки стандард во Британија, кој многумина се обидоа да го достигнат.
Во филмот се прослави со улогите на ликовите во овие остварувања: „Оркански височини“, „Ребека“, „Мачка на жежок лимен покрив“, „Кралот Лир“, како и во трилогијата на шекспировите филмови „Хенри Петти“, „Хамлет„ и „Ричард Трети“.
Меѓутоа, на снимањето на филмот „Принцот и танчерката“, кој самиот тој го режираше и ја играше главната улога, често се расправал со Мерилин Монро. Иако добро ја започнале соработката, до крајот на ова снимање Оливије и Монро се презирале. Поедини извори тврдат дека тие „вистински се мразеле“.
Всушност, Монро секогаш доцнела на снимањата, се однесувала неодговорно и никогаш не изустувала ниту една реченица пред да се консултира со својот тренер за глума.
Оливије дури во еден момент ѝ рекол: „Обиди се да бидеш секси“, а таа никогаш не му го простила тоа.
Покрај сето ова, филмот подоцна добил позитивни критики и финансиски солидно поминал.
Две години подоцна, сличен проблем со Монро имал и Тони Кертис на снимањето на филмот „Некои тоа го сакаат тоа жешко“.
