Мекдоналдс објави дека ќе ги продаде своите 850 ресторани во Русија на сибирскиот бизнисмен Александар Говор, кој веќе води бизниси кои се движат од нафта до хотели до напредна медицинска нега.
62-годишниот претприемач, косопственик на нафтената компанија НефтекХимСервис, веќе има 25 ресторани Мекдоналдс лиценцирани во Русија. Откако договорот ќе биде одобрен од регулаторите, сите локации на Мекдоналдс во Русија ќе работат под нов бренд, објави рускиот весник Ведомости. Мекдоналдс не ја откри продажната цена.
Договорот гарантира дека 62.000 руски вработени во американскиот синџир ќе ги задржат своите работни места најмалку две години, додека Говор ќе ја преземе одговорноста за постојните набавки, киријата и јавните услуги на синџирот, се вели во соопштението.
Говор ќе ги финансира платите на корпоративните вработени кои работат во 45 региони во земјата до затворање, како и покривање на постоечките обврски кон добавувачите на Мекдоналдс.
Американскиот синџир за брза храна по 32 годишно присуство и со 132 продавници, привремено ја затвори својата огромна мрежа за брза храна во Русија на 15 март, непосредно по инвазијата на Украина што предизвика тешки санкции против Москва.
