Во новото видео за „Вог“, 41-годишната бразилска манекенка Жизел Бундхен ја раскажа најтрауматизирачката епизода од нејзината долга манекенска кариера: имала само 18 години кога на модната писта на големиот дизајнер Александар Меквин морала да се движи на модната писта со многу храбра модна креација – наместо материјал, креацијата била создадена од конци од кои се гледале двете гради.
Реакцијата на многу младата манекенка, која сега е во брак ѕвездата Том Брејди, била шокантна за една манекенка – таа веднаш се расплакала, бидејќи тогаш таа сè уште не зборувала англиски и не ги разбирала упатствата што ѝ ги дале зад сцената и што е тоа што ја чека:
„Додека плачев, имав закачени пердуви на моите трепки кои ми се одлепуваа и шминкерот рече „те молам, не плачи!“ – вели таа – си заминав мислејќи цело време: „Се надевам дека татко ми никогаш не ме гвиде вака“. А потоа додаде: „Сè што сакав да направам е да заминам, но, знаете, тоа е една од оние работи што те прават посилен“.
Таа ревија била нејзината најголема отскочна даска по која следеле десетици кастинзи пред модната недела во Лондон.
View this post on Instagram
Ова искуство таа вели дека нема да го заборави и затоа го споделила во својата автобиографска книга од 2019 година, насловена „Lessons: my path to a meaningful life“.
