Принцот Чарлс ги поканил Хари и Меган Маркл да престојуваат во неговата куќа за време на нивното патување во Велика Британија, но војводите од Сасекс одбиле, известува Мирор.
Според пријател на синот на кралицата, принцот Чарлс не сакал да обрнува внимание на „нападите“ на војводите од Сасекс врз кралското семејство, туку сака помирување. Сепак, неговата добронамерна понуда била одбиена.
Војводата и војвотката од Сасекс треба да пристигнат во Велика Британија на 5 септември за да учествуваат на младинскиот самит во Манчестер. Оттаму ќе отпатуваат во Германија на отворањето на Инвиктус Гејмс, пред повторно да се вратат во Велика Британија за доделување на наградите „WellChild“ во Лондон.
Меган Маркл и принцот Хари се очекува да престојуваат во Замокот Фрогмор. Според „Мирор“, војводите од Сасекс не планираат да се сретнат со принцот Вилијам, Кејт Мидлтон и нивните деца. Нема информации дали ќе се сретнат со кралицата Елизабета која моментно се наоѓа во имотот Балморал.
