Тиквичките се исклучително здрави, нискокалорични и богати со витамини и минерали како витамин Ц, К, Б6, фолна киселина, калиум и манган. Тие се одличен избор за лесни, а воедно заситувачки и вкусни оброци. Полнетите тиквички се класика што никогаш не излегува од мода, а особено се популарни во лето кога градините изобилуваат со овој плод. Ви донесуваме три едноставни рецепти за полнети тиквички што ќе ги воодушеват вашите непца и ќе внесат доза на Медитеран на вашата трпеза додека го чекате летото.
Медитерански полнети тиквички со рикота и сушени домати
Состојки:
5 средни тиквички
1 лажица маслиново масло
3 млади кромитчиња, ситно сечкани
3 чешниња лук, изгмечени или изрендани
1 лажичка сушено оригано
1 лажичка сол (или по вкус)
⅛ лажичка црн пипер
1 чаша (околу 250 г) рикота
¾ чаша (околу 75 г) рендан пармезан
½ чаша (околу 50 г) сушени домати (од масло или претходно натопени)
½ чаша (околу 60 г) презла
1 лажичка рендана кора од лимон
Дополнително пармезан или моцарела за посипување (по желба)
Свеж босилек и парчиња лимон за сервирање (по желба)
Подготовка:
Прво загрејте ја рерната на 200°C. Тиквичките измијте ги, исушете ги, пресечете ги по должина и со лажица издлабете ја средината, оставајќи раб од околу половина сантиметар. Месото од тиквичките ситно исечкајте го и оставете го настрана.
Во голема тава загрејте маслиново масло на средна температура. Додадете млад кромид и лук и пропржете 2–3 минути додека не замирисаат.
Потоа додадете го исечканото месо од тиквичките, оригано, сол и пипер. Гответе околу 5 минути, додека течноста не испари и смесата малку не омекне. Префрлете во сад и додадете сушени домати, рикота, пармезан, презла и кора од лимон.
Добро измешајте додека не добиете компактна смеса. Со неа наполнете ги половините тиквички. Наредете ги во тава обложена со хартија за печење. По желба, одозгора посипете пармезан или моцарела.
Печете 20–25 минути, додека тиквичките не омекнат, а филот не добие златна боја. Во фритеза на топол воздух: 180°C околу 12–15 минути.
Сервирајте топло, по желба со свеж лимонов сок и босилек.
