Српската пејачка Марија Шерифовиќ на првиот ден од 2024 година се осврна на изминатата година во емотивна објава што ја сподели со своите следбеници на Инстаграм, а заедно со неа објави и фотографија од рацете на нејзиниот син Марио, кој се роди во декември во болница во Лос Анџелес.
View this post on Instagram
„Не знам како и од каде да почнам… Како да се напише рекапитулација за ваква година… Концерти, албуми, видеа, патувања во Америка, „Звезде Гранда“, приватен живот… И на сето тоа неверојатна количина грижа! Затоа, сега на крајот на 2023 година, можам да кажам, Боже, ти благодарам. Ти благодарам за овие мали рачиња“, напиша таа.
„Еден навистина гледа сѐ и верувајте, секој од нас добива сè како што заслужува. Дури сега, дури денес кога имам 39 години, можам да си кажам дека и срцето и душата ми се целосно спокојни затоа што конечно сѐ е на своето место“, заклучи таа, па на сите им посака многу здравје, трпение и храброст.
“Е да, во посакувам да ве сакаат оние што ги сакате! Тоа е сѐ од мене за оваа година. Реално, ја искинав”, додала на крајот.
Да потсетиме, нејзиниот син го роди сурогат мајка, а Марија откри дека во неколку наврати се обидела да стане мајка , но не можела да ја поднесе бременоста и на крајот се одлучила за сурогат мајка со која ги поминала сите предизвици на бременоста.
Инаку, пејачката за Нова година настапи во Зеница, но го прекина настапот затоа што публиката фрлаше петарди на бината и покрај нејзините молби да престане.
