Познатата српска пејачка Марија Шерифовиќ ретко открива детали за нејзиниот приватен живот, но овој пат направи исклучок, па во емисијата „Пусти бриго“ која во недела се емитува на телевизија „Курир“ отворено зборуваше за нејзината фамилија.
Имено, музичката ѕвезда на водителката Љиљана Станишиќ ѝ откри дека нејзината баба била христијанка, а пак нејзиниот дедо муслиман.
“Ги презирам сите поделби. Ги презирам сите определби за нации, религии, определби. Зошто? Па, на пример, баба ми се викаше Драгиња. Родена во Шумадија, во Крагуевац. Таа му се молеше на Исус Христос. А на доругата страна, дедо ми беше муслиман. Беше човек кој се клањаше, се молеше на Алах и слично и слично… Јас воопшто не ги делам луѓето, можам само да поделам дали си добар или ѓубре. Ако ние што се занимаваме со музика не сакаме да ги собереме сите овие луѓе и ако музиката не е онаква каква што сме сите на овој Балкан, тогаш нека оди сè по ѓаволите“, рече меѓу другото Марија.
