Манекенката од Полска, Александра Садовска, која остана без вид на десното око поради тетоважа која ја направи токму на него, веројатно ќе остане целосно слепа.
Истрагата утврди дека човекот кој ја тетовирал направил низа на грешки, а тој исто така употребил мастило кое не смее никако да се најде во контакт со очите, пишува „Дејли Мејл“.
„Постојат јасни докази дека лицето кое ја тетовираше не знаеше како да ја изведе оваа комплицирана работа. И покрај тоа што не знаел, тој сепак ја прифатил работата“ – информираат адвокатите на Александра.
И самата Александра истакна дека е загрижена.
– За жал, докторите засега не се оптимистични за тоа дека работите би можеле да се одвиваат на подобро. Штетата е премногу голема. Се плашам дека ќе останам слепа. Сепак, нема да се заклучам во подрум и да дозволам да паднам во депресија. Тажна сум, но ќе продолжам да живеам – вели Садовска.
Човекот кој ја тетовирал се изјасни дека не виновен, а се очекува во наредниот период да започне судењето.
