Пејачката летала со приватен авион кон јужноамериканскиот дел за нејзината светска турнеја Mileyworld, кога авионот одеднаш се нашол во магнетна бура. Благодарение на среќното слетување, таа, нејзиното семејство и нејзиниот бенд се добро.
Пријателите и дел од семејството кои патувале со неа, сега се добро, но на видеото што Мајли го објави на нејзиниот Инстаграм профил се слушаат нивните исплашени гласови додека од отворите на авионот се гледа небото осветлено од молњи. .
Телото на авионот е оштетено, а на објавените снимки јасно се гледа крилото погодено од магнетната бура.
„До моите фанови и сите кои се загрижија откако слушнаа за мојот лет до Асунсион. Нашиот авион беше погоден од ненадејна силна бура, го погоди гром“, напиша Мајли Сајрус во описот на видеото, и додаде:
„Мојата екипа, мојот бенд, моите пријатели и семејството кои патуваа со мене се безбедни по итното слетување. За жал, не можевме да летаме за Парагвај “.
View this post on Instagram
И градот Асунсион, главниот град на Парагвај, бил исто така зафатен од огромно невреме. Така, поради временските услови бил откажан првиот ден од концертот, каде требало да настапи Мајли, но и Foo Fighters, Doja Cat и Machine Gun Kelly.
