По бројните славни личности кои го изразија своето сочувство и поддршка за фудбалскиот ас Роналдо и неговата девојка Џорџина, откако вчера го загубија новороденчето – едно од близнаците, се огласи и сестрата на Роналдо.
Сестрата на Роналдо, Катја Авеиро, на Инстаграм објави фотографија од Кристијано и Џорџина и напиша:
„Те сакам и моето срце е на твоја страна. Господ да се грижи за се и да го зајакне твојот чекор уште повеќе … Нашето мало ангелче е веќе во утробата на нашиот татко, а нашето девојче кое стои овде, силно и здраво, сè повеќе ќе не учи дека само љубовта е важна…“.
Мајката на Роналдо, Долорес Авеиро, исто така коментираше на Инстаграм со тажно „емоџи“.
View this post on Instagram
Пораки за храброст и солидарност стигнаа до играчот од целиот свет на спортот. Неговиот тим Манчестер Јунајтед му изрази поддршка на фудбалерот: „Твојата болка е наша болка. Во моментов испраќаме љубов и сила до тебе и твоето семејство“.
И соиграчот Маркус Рашфорд на Твитер напиша: „Мислите се со тебе и Џорџина, брат. Многу ми е жал“. Другите соиграчи како Диогу Далот, Давид де Хеа и Алекс Телес одговорија со емотикони на објавата на Кристијано Роналдо.
— Cristiano Ronaldo (@Cristiano) April 18, 2022
