„Киев го повикува целиот свет… излезете од неутралноста вие момци и девојки“, украински панк бенд напиша своја верзија на познатиот хит „London Calling“ од 1979 година.
„Kyiv Calling“, песна која е препев на хотот на британскиот бенд Клеш, деновиве во Лавов го сними „Бетон“- украински бенд кој се опишува себеси како „хардкор панк“ и е составен од архитект, ортопед и бизнисмен, кои, (цитирани од Би-Би-Си), тврдат дека самите го имале благословот на Клеш.
Нивната СОС -порака е упатена на светот да застане на страната на Украина, против рускиот напаѓач.
Приходите од продажбата на „Киев колинг“, веќе достапна онлајн, Бетонс ќе ги донира на Движењето за отпор на Слободна Украина кое собира средства за помош на украинското население, погодено во последните недели од бомбардирањата на руската армија.
Инаку, албумот “Лондон колинг” на Клеш е изгласан за надобар албум на осумдесеттите години од страна на списанието “Ролинг стоунс магазин“.
