Урнебесната пародија на настапот на Констракта и песната „In corpore sano“ со која српската претставничка ќе се натпреварува на претстојната Евровизија во Торино, објави популарната „Чупа бенд“.
Пародијата за само 24 часа стигна и до 6-та позиција на листата на трендови на Јутјуб, а оригиналната песна на Констракта е на првото место.
Во улогата на Констракта се појавува Дејан Чупа Икановиќ, кој е и автор на текстот на оваа пародија која ја насмеа публиката.
Во бројните пораки за поддршка и позитивни коментари на социјалните мрежи доминираат оние во кои се нагласува дека пародијата е подобра од оригиналот и дека директно ја пренесува пораката што метафорично ја содржи песната „Ин Корпоре Сано“.
Главен лик во песната е српскиот претседател Александар Вучиќ, а Чупа пеејќи прашува – која е тајната на неговите многу пари?
Видеото ќе ве насмее.
